أحمد رفعت يكتب : شاي مر
تصميم غلاف : احمد رفعت
- Sensual Debauchery (The moral life VS. The life of pleasures VS. The fulfilled life VS. The finished life
السنة الجديدة و البدايات الجديده اللي هنوصل بيها لنهايات سعيدة و السؤال الفلسفي الأقدم تقريبا هوا " يعني إيه حياه سعيده ؟ " و السعادة حاجه و الرضا حاجه تانيه - احنا مصر فاكر؟ - بس هل فعلا لو عملت الحاجات اللي بحبها و مكنتش مرغم على الرضا دا هل هكون سعيد ؟ دا سؤال معقد جدا و يقرب من إنه يكون Paradox ملوش إجابه اصلا بس لو كملت للآخر ممكن نوصل لحل وسط "يرضيك" بس مش هيخليك "سعيد"
سقراط و أفلاطون اتكلموا عن Concept ال moral life و ان المبادئ بتاعت كل شخص هي اللي بتدي حياته الشكل اللي يخليه "راضي" عنها بمعنى إنك لو قدرت تعيش حياتك في إطار المبادئ اللي أنت مقتنع انها الصح فأنت وقتها هتبقى وصلت لل good life دي و أنا اعرف ناس فعلا مقتنعه بكدا بدون اصلا ما تعرف افكار سقراط أو افلاطون و هوا كلام مقنع لإنك هتبقى "راضي" عن نفسك بس هل تكون فعلا "سعيد" ؟
سقراط و هوا بيتكلم عن ال concept دا قال "إنك تبقى مظلوم أحسن من إنك تبقى ظالم" و أفلاطون بيقول "الشخص المتمسك بمبادئه بيعيش في تجانس مع نفسه و الشخص اللي بيسعى ورا شهوته بيعيش في صراع داخلي" و كلاهما و الأديان كلها تقريبا عندهم نفس المنطق و هوا "الرضا" و عندنا في الإسلام مثلا أنت أملك أنك تدخل الجنه اللي أنت مقتنع إنها السعاده الحقيقيه بس هل دا معناه "سعاده" في الدنيا ولا "رضا" بيها ؟ -أنا مش ملحد- و مش معنى كلامي إن الدنيا وحشه بس خلينا متفقين إن الدنيا -سواء رضينا أم أبينا- ماديه لأبعد الحدود و بتتغير بسرعه و إن أنت نفسك مبادئك اللي مقتنع بيها بتتغير بسرعه و أه فيه حاجات مستحيل تتغير -الصح و الغلط دينيا- بس بص لنفسك أنت اتغيرت أد إيه ؟ و هتتغير لسه أد أيه ؟ محصلش معاك مثلا أنك اكتشفت حاجه عن حد تعرفه و عمرك ما كنت تتخيل إن الحاجه دي تتماشى مع شخصيته؟ عارف ليه ؟ الناس بتتغير.
لو رحنا بقى على الناحية التانيه خالص هنلاقي أبوقراط حتى شوف إسمه عامل إزاي ... الباشا دا البرنس بتاع كل شله اللي عايش بمبدأ "أنا هعمل اللي يعجبني و مبيهمنيش حد" دا بيقول أن الحياه الصح هي ال life of pleasures و أنك المفروض تمشي في الحياه ورا اللي بتحبه عايز تاكل تشرب تلعب تقعد تشوف أفلام و مسلسلات مفيش محرمات يعني أنا "راضي" بإني شخص مادي و إني ب"أرضي" نفسي
بس برضوا أنا مقتنع أنك مش هتبقى "سعيد" برضوا علشان:
أولا ... حاجه اسمها Law of diminishing returns بمعنى أنك مع الوقت أحساس الانبساط اللي هيبقى عندك و انت بتعمل الحاجه بيقل زي المثال المشهور بتاع إن الراجل و الست قبل الجواز حاجه و بعد الجواز حاجه تانيه
ثانيا ... مش كل ال pleasures في الحياه ماديه بحته كلنا منقدرش نعيش في وحده مثلا و كلنا بنحب احساس إن الناس بتحترمك و تقدرك فمبدأ أنك تعمل اللي تعوزه و خلاص هخليك تفقد حاجات مهمه في الحياه
ثالثا ... فكر مثلا لو حد سادي و بيوصل لل pleasure بتاعته بإنه يأذي الناس هل دا فعلا شخص بيعيش حياه سعيده؟
رابعا ... معظم أحلامنا الماديه مش في إيدينا اصلا فهتفضل في سعي دائم وراها لدرجة انها ممكن تفقد معناها اللي كانت عليه لما بدأت المشوار و زي ما اتفقنا "الناس بتتغير" و الكون مش ثابت
الحل الوسط كان عند ارسطو و ال fulfilled life و أنك تعيش في توازن بين ال pleasures و Virtues و اتكلم إن السعاده نفسها مش حاجه ماديه ممكن تشوفها في الناس دا شعور داخلي و إن الطريقه اللي بتوصلها بيها هي الوسيلة الماديه اللي ممكن نشوفها و إن الإنسان كائن معقد بطبيعته فمش هيحس انه fulfilled بحاجه واحده بس بمعنى إنك متقولش إني لو وصلت لكذا هيبقى لحياتي معنى فالحل إنك توازن بين الوسائل الماديه دي علشان توصل للاحساس الداخلي دا
كدا هتبقى "سعيد" صح؟ والله أنا مقتنع إنك بكدا هتبقى "راضي" بردو لإن الوسائل اللي هتستخدمها سواء كانت مبادئ او شهوات مرتبطه بتأثير الحياه عليها يعني عمرك ما تصرفت تصرف أنت بتضرب نفسك عليه حاليا مليون ألم و مش فاهم أنت إزاي عملك كدا؟ دا لإن احنا situational بمعنى إن الموقف نفسه بيأثر على اتجاهاتنا و مش بس كدا نيجي لنقطة القدر نفسه و حالتك الصحيه و النفسيه و الناس اللي حواليك في حياتك فأظن انك مش هتوصل للسعاده الداخليه اللي ارسطو اتكلم عنها بس هتبقى "راضي" بشكل كبير عن قربك من "السعاده" دي
أنا بقى شايف إن الانسان مش هيوصل للسعاده في حياته إلا لما تكتمل الحياه دي اصلا يعني لما تموت لإن كل مرحله في حياتك مختلفه عن التانيه و للمرة المليون هقول "أنت بتتغير" فالوقت الوحيد اللي هتبطل تتغير فيه هوا لما تموت و علشان كدا بطلت افكر في هل أنا ببقى "سعيد" بجد في أوقات في حياتي لأني ادركت ان دا "رضا" فبقيت بدور على الرضا عن حياتي و اني ابقى اقرب ما يكون للسعاده اللي قال عليها ارسطو علشان كدا لما نتكلم عن السنه الجديده و البدايات الجديده فدا مش هري على الفاضي مع إننا حرفيا بنضحك على نفسنا بس أحنا بنضحك على نفسنا علشان نبقى "راضيين" عنها
الخلاصه ...
أولا ... أنا مش ملحد
ثانيا ... السعاده زيها زي أي صفه تانيه مش هتوصل فيها ل 100% زي مفيش حد طيب بنسبة 100% و مفيش حد كريم بنسبة 100% و مفيش حد شرير صرف و للأسف مفيش سعاده 100% بس كل لما تقرب لل 100% تبقى اطيب و تبقى اكرم و بردو تبقى أسعد.
للتعليق